Tryggvi og Þórhildur í Köben

Hann á afmæli í dag, hann á afmæli í dag.....

2007-10-12T14:50:00.000+02:00

Hann Tryggvi minn á 25 ára afmæli í dag :) Til hamingju!!!

Annars er allt gott að frétta, það helsta er að við erum búin að gefa litlu dóttir okkar nafn, hún heitir Brynhildur Freyja. Tryggvi er farin að fara aftur í skólan svo við Brynhildur höfum verið einar heima á daginn þessa vikuna. Það hefur gengið vel, við förum eitthvað út á hverjum degi. Í fyrradag fórum við í fisketorvet að versla og í gær fórum við í fyrstu heimsóknina okkar saman en við heimsóttum Þórdísi frænku.

Jæja það er komin matartími svo ég læt þetta nægja í bili.
Þórhildur

Vika heima!!

2007-10-02T20:17:00.000+02:00

Jæja þá erum við búin að vera í viku heima og allt gengur eins og í sögu. Litla dóttir okkar er auðvitað bara frábær og æðisleg :) Hún borðar, sefur, kúkar og pissar allt eins og það á að vera. Við erum svo búin að fara í heyrnapróf og það kom vel út. Á laugardaginn fórum við í fyrsta skipti út að labba með hana í nýja vagninum, veðrið var fínt þegar við ákváðum að fara en um leið og við stigum út um dyrnar byrjaði að rigna. En við létum það ekki á okkur fá og fórum út í búð og versluðum nýja nauðsynjavöru á heimilunu; bleyjur. Við vorum mjög stoltir foreldrar með vagninn :) Í gær fór litla snúllan okkar í fyrsta skipti í bað, það gekk bara nokkuð vel, við vorum pínu stresssuð en henni líkaði þetta bara ágætlega.
Við erum búin að fá nokkrar heimsóknir síðan við komum heim en ekkert of mikið svo við höfum haft tíma til að kynnast dóttur okkar.
Mér finnst hún vera búin að stækka og þroskast fullt á einni viku, ótrulegt hvað þetta gerist hratt.
Við erum búin að gera heimasíðu á www.barnanet.is/tryggvadottir
þar eru myndir af snúllunni okkar. Endilega sendið okkur e-mail til að fá lykilorðið ef ykkur langar að sjá myndir.

Jæja læt þetta nægja í bili
Þórhildur

Stelpan okkar!!!

2007-09-25T16:40:00.000+02:00

Sunnudagsmorgun klukkan 10:03 (Dönskum tíma) fæddist yndislega dóttir okkar :) Hún var 4140 grömm eða rúmlega 16 og hálf merkur og 55 cm. Komum heim af fæðingardeildinni áðan og okkur heilsast öllum vel og erum að læra inn á hvert annað :)

Verkfræðingur !!

2007-09-13T15:42:00.000+02:00

Vörnin í morgun gekk vel og ég bara orðin verkfræðingur :)

Einn áfangi í höfn

2007-09-05T11:35:00.000+02:00

Jæja þá er ég búin að skila verkefninu mínu. Ég skilaði seinasta föstudag og er bara búin að njóta lífsins síðan þá. Núna þarf ég hinsvegar að fara að undirbúa vörnina sem verður næsta fimmtudag, þannig að það er vonandi rétt rúm vika þangað til að ég verð verkfræðingur :).

Lilja kom til hingað í heimsókn á fimmtudagskvöldið og Maggý með systur sína og frænku á mánudaginn fyrir rúmri viku svo um helgina notuðum við tíman og gerðum ýmislegt skemmtilegt saman. Á föstudaginn þegar ég var búin að skila fór ég og hitti stelpurnar á Café Norden á Amager Torv. Svo var auðvitað kíkt aðeins í HogM og svona. Kvöldið var nú frekar rólegt þar sem ég var frekar þreytt eftir vikuna en Bergdís eldaði dýrindis Lasagnia handa okkur öllum. Á Laugardaginn tókum við Tryggvi okkur til og þrifum íbúðina, enda komin tími til. Ekki búið að þrífa almennilega í margar vikur. Svo fór ég og hitti stelpurnar í Tívolí. Við borðuðum á Wagamama sem er mjög góður núðlustaður og fengum mjög góðan mat. Á laugardagskvöldið sátum við svo fram eftir nóttu eins og okkur er lagið að spjalla. Á sunnudaginn fórum við svo með gestina í göngutúr um Kristíaníu það er alltaf jafn gaman að skoða húsin og fjölbreytileikan þar. Þegar við komum út úr kristíaníu vorum við rétt hjá snilldarveitingastaðnum Rimini og klukkan var að verða sex svo við skelltum okkur þangað og fengum okkur kvöldmat. Á mánudaginn kíktum við Lilja aðeins í bæinn en svo fóru allar stelpurnar heim á mánudagskvöldið. Það var svo skemmtilegt að fá þær í heimsókn :)
Í dag er ég svo að fara að hitta fleiri ferðamenn í danmörku, Gróa, Daði og Þorgeir litil eru hér í heimsókn og ég ætla að hitta þau í bænum. Get varla beðið eftir að sjá hann Þorgeir með eigin augum.
Jæja læt þetta duga í bili
Þórhildur

bumbumyndir og fl

2007-08-19T23:10:00.000+02:00

Jæja ég ætla að setja inn tvær myndir af mér og bumbunni minni.

Annars er allt gott að frétta, bumbubúinn er mikið á hreyfingu og það getur nú stundum verði svolítið óþægilegt, en ég vil nú samt ekkert að krílið sé eitthvað að flýta sér.
Verkefnið gengur alveg ágætlega, ég hitti leiðbeinandann minn á föstudaginn og honum leist alveg ágætlega á það sem ég var búin að gera. Ég þarf bara aðeins að bæta nokkra hluti og svo er þetta tilbúið. Ég ætla að skila verkefninu 31 ágúst. Svo er búið að skipuleggja vörnina en hún verður 13 september. Ég vona bara að krílið láti að minnsta kosti bíða eftir sér til a.m.k 14 sept. svo ég nái nú að ljúka þessu af áður en ég verð mamma og upptekin að allt öðru en verkefni.

Í seinustu viku var Þórdís systir mín, Jenný, Hugrún og Maggý frænkur mínar hérna í Kaupmannahöfn í heimsókn, þær gistu hjá Þórdísi frænku minni en ég fór nú og hitti þær nokkrum sinnum. Mjög gaman að hitta þær og eyða smá tíma með þeim. Sérstaklega gaman fannst mér að fá að vera aðeins með elsku systur minni :)

Seinustu helgi hélt Gunni B afmælis-, útskriftar- og kveðjupartí ég kíkti aðeins í partýið en það ver frekar heitt og ég þreytt svo ég var nú ekkert sérlega lengi, en það var samt gaman að hitta fólkið. Á miðvikudaginn flutti Sella hingað til DK hún er búin að fá herbergi hérna á Otto Mönsted kollegiinu hérna við hliðina á ykkur svo hún er orðin nágranni okkar. Í gær buðum við henni í mat og eftir mat komu kíktu svo Bergdís og Anna Regína líka í heimsókn. Við sátum og spjölluðum fram eftir kvöldi og áttum huggulegt kvöld.

Jæja ég læt þetta nægja af fréttum í bili,

....

2007-08-04T11:09:00.000+02:00

Verslunarmannahelgi á íslandi, bara mjög venjuleg helgi í köben. Já það er komin enn ein helgin sem þýðir að það er liðin en ein vikan af meðgöngunni og það styttist en frekar í ritgerðarskil......
Núna er ég komin 33 vikur á leið af 40 sem er ca 7 og hálfur mánuður og verkefna skil eiga helst að vera eftir 4 vikur.

Undanfarnar vikur hafa einkennst af ritgerðarskrifum sem ganga svona misvel, suma daga gengur þetta alveg ágætlega og aðra nánast ekki neitt. Ég á að skila uppkasti í núna einhverntíman í þessari viku og vona að ég nái að verða búin með sem mest af textanum. Þá er bara eftir að ganga frá viðaukum og setja skýrsluna fallega upp og svona. Svo vona ég auðvitað að leiðbeinananum líki það sem hann fær og ég þurfi ekki að breyta allt of miklu.

Ég er nú reyndar búin að líta upp úr bókunum annars lagið og gera eitthvað aðeins skemmtilegra, fyrir tveimur vikum var Ella, mamma tryggva hjá okkur í heimsókn. Hún hefur verið dugleg í handavinnunni og kom með allskonar gjafir til okkar, hún er búin að hekkla teppi, prjóna peysu, húfu og sokka og sauma út í rúmföt. Þetta var allt rosalega fallegt og erum við ótrulega ánægð með þetta. En við reyndum nú að gera eitthvað skemmtilegt saman, við fórum í tívolí, á bæjarrölt og svo kíktum við til Helsingör og skoðuðum kronborg kastala.

Seinustu helgi komu svo Steini, Hildur, Anna Þóra og Veigar, frændfólk mitt frá noregi, í heimsókn, þau gistu hjá okkur eina nótt en voru svo heppin að fá íbúðina hennar bergdísar lánaða í nokkrar nætur. Þau notuðu tímann og skoðuðu sig um i kaupmannahöfn og lánuðu okkur bílinn sinn sem við auðvitað nýttum og fórum í IKEA. Versluðum allskonar smádót sem okkur vantaði og svo keyptum við líka skiptiborð. Það bíður nú í pakkanum undir rúmi eftir að einhver hafi tíma til að setja það saman :) En það liggur nú ekkert á því alveg strax.

Í vikunni fórum við til ljósmóður og hún sagði að allt liti vel út, barnið snéri með hausinn niður og væri orðið tvö kíló, ég skil nú ekki alveg hvernig hún getur reiknað það út með því einu að þreifa á maganum. Við erum auðvitað mjög ánægð að barnið þroskast og dafnar.

Núna um helgina ætlum við svo að reyna að hitta Önnu Regínu og Birki sem voru að koma hingað og ætla að búa hérna í vetur. Það er alltaf gaman þegar að það bætist í hópinn.

Jæja læt þetta nægja í bili, engar bumbumyndir í þetta skiptið en það koma vonandi einhverjar fljótlega

Hróaskelda og bumbumyndir

2007-07-14T13:47:00.000+02:00

Komin tími á nýjar bumbumyndir:
Nú eru liðnar 30 vikur af meðgöngunni sem þýðir að það eru 10 vikur eftir. Krílið er i ströngum æfingabúðum, hreyfir sig mikið og sparkar. En það er víst alveg ágætlega mikið af plássi fyrir það ennþá, er ekki nema u.þ.b. 1,5 kg og á eftir að þyngjast um ca 2 kg á þessum tíu vikum sem eru eftir. Ég hef nú samt ekkert of mikinn tíma til að hugsa um þetta því verkefna skil eru á dagskránni fyrst. Ég á að skila verkefninu eftir 7-8 vikur. Ég hitti leiðbeinandann minn í gær og hann var ánægður með það sem við vorum búinar að gera og nú vill hann að ég einbeiti mér að því að skrifa skýrsluna það sem eftir er af tímanum. Þannig að núna er ég nokkuð viss um að ég nái að ljúka þessu áður en litla krílið lætur sjá sig.Seinustu helgi skelltum við okkur á
Hróaskelduhátíðina. Það var mjög gaman, fyrir utan rigninguna á fimmtudeginum. Ég fékk alveg nóg af rigningu og fór heim áður en björk byrjaði að spila og misst því miður af henni. Á föstudeginum leigði ég svo skrjóð og var með hann fram á mánudag svo ég gæti keyrt á heim á kvöldin og sofið heima. Það var frekar mikil leðja og drulla eftir alla rigninguna svo það var ekkert annað en stígvél sem dugði. Við sáum slatta af tónleikum og það voru nokkur bönd sem stóðu upp úr, það voru Arcade fire, The Who, Queens of the stoone age og Muse. Ég læt fylgja með nokkrar myndir. En læt þetta annars duga í bili.
Kv Þórhildur

London ....

2007-06-24T21:18:00.000+02:00

Það hefur verið nóg að gera seinustu daga.
Seinustu helgi voru Dabbi og Kristín í helgarferð hér frá Munchen. Þau gistu hjá Adda og Hrund og íbúðin þeirra varð aðal partýpleisið á meðan gestirnir voru hér. Fimmtudagskvöldið var rólegt hjá mér þar sem ég var að vinna í verkefninu á föstudaginn en það var langt og skemmtilegt hjá öðrum og föstudagskvöldið var ekki styttra. Strákarnir byrjuðu snemma með því að skella sér í Carlsbergsafnið og við stelpurnar bættumst í hópin fyrir kvöldmat. En við fórum út að borða á Ítalska staðnum í Fiolstræde, það er alltaf jafn góður matur þar. Ég var aftur ekki neitt sérlega seint á ferðinni heim. Enda ætlaði ég að kíkjá á Amager strand á laugardeginum, þar var nefnilega haldið upp á 17 júní (á 16 júní) og þar var hægt að kaupa íslenskt nammi sem mig langaði mikið til að gera. En þar sem það ringdi eins og himnarnir hefðu verið opnaðir þá ákvað ég nú bara að vera heima. Það var of mikið af hinu góða að hætta sér út í rigninguna eingöngu til að svala nammiþörfinni. Ég notaði bara daginn til að læra smá og pakka niður fyrir ferðina til London.
Við lögðum af stað snemma á sunnudagsmorguninn, ferðin byrjaði nú ekkert allt of vel, því ég fékk einhverja magakveisu. Við komum á Hótellið fyrir tjékk inn tíma og þar sem hótellið var rétt hja Hyde Park fórum við þangað og slöppuðum af meðan við vorum að bíða eftir herberginu. Ég hafði það alveg ágætt meðan við sátum kyrr og svo þegar við fórum aftur af stað á hótellið þurfti ég að æla og ég leit í kringum mig eftir einhverjum stað til að létta á mér, ruslatunnu, runna eða einhverju en það var bara gras og tré og tré á stangli svo það endaði bara með því að ég ældi á miðju túninu fyrir framan fullt af fólki..... frekar embarassing.... Við fórum svo á hótellið og lögðum okkur, seinnipartinn ver ég orðin nokkuð góð svo við fórum í göngutúr og röltum á Oxford street, um Soho og nágrenni. Við tókum því svo bara rólega um kvöldið og á mánudaginn var ég nánast alveg búin að jafna mig :)
Við notuðum svo mánudag og þriðjudag til að skoða það merkilegasta í London. Við fórum i London Eye sem er frekar flott og svo tókum við svona túrista strætó með guide um bæinn og fengum skemmtilegar sögur um byggingar og fólk. Á mánudagskvöldið hittum við Sigurjón og Hildi sem búa í London. Það var mjög gaman að hitta þau og heyra hvernig er að búa í London. Það kom mjög á óvart hversu há leigan er, ég hafði alveg búist við hárri leigu en ekkert í líkingu við það sem þau töluðu um. Á þriðjudagskvöldið fórum við á söngleik sem heitir We will rock you og er samin af Brian May úr Queen og fleirum. Öll lögin í sönleiknum voru queen lög og þetta var hin besta skemmtun. Á miðvikudaginn kíktum við aðeins í búðir áður en við fórum heim á ný. Við versluðum aðeins af barnafötum og auðvitað urðum við að kaupa fótboltabúning handa tilvonandi erfingjanum þegar við nú vorum stödd í landi fótboltans. Við vorum í svolitlum vandræðum með að velja hvaða lið yrði fyrir valinu. Valið hefði verið aðeins auðveldara ef liðið sem Tryggvi heldur með væri ekki alveg í skítunum (í annari deild, hí hí). Við enduðum á því að styrkja liðið í eigu íslendinga, West Ham. Við komum svo heil heim á miðvikudagskvöldið og það er nú alltaf gott að koma heim þó svo við hefðum ekki verið lengi í burtu.
Í gær var svo JT á dagskrá, já enginn annar en Justin Timberlake. Við byrjuðum á því að kíkja á Hjörringgade til Gunna Gamla þar sem allir aðdáendurnir voru mættir. Þar var hitað upp með tónleikamyndböndum og tónlist JT. Við röltum svo á tónleikana um sjö leitið, við byrjuðum á því að standa í mikilli þvögu fyrir framan inganginn sem við áttum að fara inn um en hálftíma síðar fundum við út að við gátum farið inn um innganginn við hliðina á og þar voru svona 20 manns í röð svo það liðu bara tvær mínutur og við vorum kominn inn, kannski ekki skrýtið að það væri smá röð enda 1% dönsku þjóðarinnar að mæta á tónleika eða 54000 manns. Tónleikarnir voru flottir og skemmtilegir. Sviðið var í miðjunni og þetta var allt mjög mikið sjóv. Timbaland kom líka á svið og DJ-aðist aðeins. Hann var líka mjög góður. Það eina sem ég hef að setja út á þetta er að sándið var ekki alveg nógu gott. Tryggvi var nú ekki alveg jafn sáttur en samt ekkert ósáttur, enda ekki við öðru að búast þar sem hann er aðeins minni áhugamaður en ég. Eftir tónleikana var rölt aftur á Hjörringgade og partýið hélt áfram, ég fór nú fljótlega heim enda ekki alveg mesta partýdýrið þessa dagana.
Í dag kom frændfólkið mitt hérna í Köben í afmæliskaffi, ég er nefnilega að verða einu ári nær þrítugu á morgun :)

En jæja ætli ég láti þetta ekki duga í bili
Þórhildur og mavsen

....

2007-06-05T21:58:00.000+02:00

Ég var víst búin að lofa, aðallega maggý ;) að setja inn mynd af mér og bumbunni.

Við erum annars búin að vera frekar upptekin seinustu vikur í skólanum en mesta törnin í bili kláraðist á föstudaginn. Það var því enginn lærdómur um helgina, á föstudeginum kíktum við í grillparty sem Kristína sænsk vinkona mín hélt. Við stoppuðum ekki lengi, ég var frekar þreytt eftir erfiða viku.
Laugadagurinn var frekar rólegur en við fórum í Partý á Hjörringgade hjá Gunna, Þorsteini og Kidda um kvöldið. Þar var fullt af fólki og mjög gaman. Á sunnudaginn fórum við til Þórdísar frænku í sumarhúsið og nutum góða veðursins og góðs matar.

Í dag er þjóðhátíðardagur Dana og að því tilefni keyptum við okkur ferð til London ;) við ætlum að skreppa í fjóra daga 17-20 júní. Verður frábært að fara í smá sumarfrí og hlaða batteríin fyrir lokavinnuna í verkefninu.

Langar að óska Gróu og Daða til hamingju með litla fallega soninn þeirra og Valda og Stellu til hamingju með liltu fallegu dóttur þeirra :)

Kv Þórhildur og mavsen

Brotin gleraugu - stolið hjól

2007-05-16T13:59:00.000+02:00

Já síðan ég skrifaði seinast eru bæði skemmtilegir og ekki svo skemmtilegir hlutir búnir að gerast. Ef við byrjum á þessu leiðinlega, á fimmtudaginn fyirr næstum tveimur vikum hélt íslendingafélagið í DTU bjórkvöld hérna á Sólbakken. Ég kíkti auðvitað aðeins þar sem þetta var nú hérna í húsinu og viti menn meðan ég var að spjalla við Guðlaugu og Hildi duttu gleraugun mín bara í sundur. Frekar fyndið en samt pirrandi um leið. Það var semsagt annar armurinn á gleraugunum sem datt af. Ég fékk bergdísi í lið með mér og við náðum að líma gleraugun saman svo ég gæti að minnsta kosti notað þau í nokkra daga, eða þangað til ég fengi ný. Þetta var frekar óheppilegur tími því á föstudeginum eftir var frídagur hérna í Danmörku (stóri bænadagurinn) og allar búðir lokaðar og ég var að vinna um helgina svo ég komst ekki í gleraugnabúð fyrr en á mánudeginum. Ég fann rosafín gleraugu og það var meira að segja tilboð 2 fyrir 1 svo ég fékk önnur gleraugu í kaupbæti og lét setja sólgler í þau :) En þar sem ég bý nú í Danmörku þar sem allt gengur svo hægt fyrir sig fæ ég ekki gleraugun fyrr en eftir viku núna og er nú þegar búin að bíða í viku. Límið heldur ennþá en það líður ekki á löngu þar til ég þarf að fara að líma upp á nýtt. Þetta var nú samt ekkert svo leiðinlegt því mig er búið að langa í ný gleraugu í nokkrun tíma...
Annað leiðinlegt atvik gerðist núna í fyrradag. Hjólinu hans Tryggva var stolið á Enghave station, hann kom heim úr skólanum og hjólið bara horfið. Hann fékk hjólið mitt lánað og hjólaði hring um hverfið og hitti þá annan mann sem líka var að leita að hjólinu sínu. Sem hafði staðið á sama stað og Tryggva og var líka nýtt og flott. Tryggvi fékk fría tryggingu í 3 mánuði með hjólinu svo við héldum nú að þetta væri ekki svo slæmt en þegar við fórum að skoða trygginguna betur kom í ljós að hún dekkaði bara yfir sjálfsábyrgð heimilistryggingar og við erum auðvitað ekki með heimilistryggingu. Við vorum að spá í því um daginn en erum ekki búin að gera neitt í því ennþá. En þetta er mun leiðinlegra mál en með gleraugun. Svo útgjöld þessa mánaðar eru allt í einu miklu hærri en reiknað hafði verið með..... en það hlýtur að reddast er það ekki.
Já það er nú eitthvað skemmtilegt búið að gerast líka. Á fimmtudaginn komu Ásta Sigga, Sif, Solla, Addi og Hrund í heimsókn til að horfa á undankeppni Eurovision. Það var mjög gaman að hitta þau en við vorum nú ekkert sérlega sátt við úrslitin. Þetta er eiginlega orðið að einhverri austur Eurovision keppni.
Á föstudaginn tók ég flug til Stavanger i Noregi. Frænka mín, Anna Þóra og frændi minn, Sigþór voru að fermast og því var stór hluti móðurfjölskyldu minnar mættur til Noregs. Ég lennti á svipuðum tíma og mamma, Þórdís systir, Guðný frænka og Afi. Það var mjög gaman að hitta fjölskylduna og vera með þeim í nokkra daga. Það var nóg að gera, auðvitað þurftu þeir sem eru búsettir á íslandi að skreppa í verslunarleiðangur í HogM og það fór enginn tómhenntur þaðan. Á laugardagskvöldið horfðum við svo á Eurovison og fylgdumst með kosningunum hema á Íslandi. Ég var sátt við vinningslagið í Eurovision en ekki alveg jafn sátt við úrslit kosninganna.
Á sunnudaginn var fermingardagurinn. Við mættum auðvitað í kirkjuna til að verða vitni að norskri fermingu. Það má segja að Norðmenn séu aðeins duglegri en við íslendingar að notað þjóðbúiningana sína. Það var önnur hver kona í þjóðbúiningi og þónokkrir karlar. Nánast allar stelpurnar sem voru að fermast voru líka í þjóðbúningi. Messan var þónokkuð öðruvísi og var svolítið gospel leg það var ein söngkona sem söng og svo söng presturinn stundum með og undirspilið var gítar og píanó, en það var bara mjög skemmtilegt. Veislan var haldin í sal og við fengum góðan mat og góðar kökur. Veðrið var mjög gott sól og blíða og ég fékk að fara út að leika við frænkur mínar til að búa til pláss fyrir kökurnar :) Á mánudaginn var svo haldið heim á leið.

Jæja látum þetta duga af fréttum í bili
Kv Þórhildur

Helgin og bumba

2007-04-30T22:18:00.000+02:00

Jæja bara annað blogg á nokkrum dögum.
Góða veðrið hér heldur áfram, veðrið um helgina var mjög gott og til að halda upp á það lærði ég nánast ekki neitt heldur gerði ýmislegt annað.
Á föstudagskvöldið fórum við í Kokteilapartý hjá Sollu og Niels, þau hitta alltaf fólk fyrir árshátíðina hjá DTU og eru með kokteilapartý. Tryggvi fékk þónokkra kokteila og ég drakk bara sódavatn, en það litur margir skrautlegir kokteilar dagsins ljós. Svo fór fólkið á árshátíð en þar sem það var uppselt og við áttum ekki miða fórum við bara heim á leið. Stoppuðum aðeins í bænum og kíktum með Gunna B í einn bjór áður en við fórum heim.
Ég fór svo í klippingu hja Ingu Rós á laugardagsmorguninn og fékk sumarklippingu, var mjög fínt því toppurinn minn var orðinn allt of síður. Hitti Tryggva svo úti í búð og við keyptum inn fyrir vikuna. Þegar við komum heim og tókum póstinn úr póstkassanum hafði Tryggvi fengið bréf frá vinnunni sinni um að hann fengi 7000 DKkr í orlof utborgað. Hann gat nú ekki átt svona marga peninga og við urðum því að fara í bæinn og versla.
Tryggvi verslaði sér buxur, skó og skyrtur og meira að segja nýja skó handa mér :) Ótrúlega flotta og þægilega Camper skó (sjá mynd). Þegar við vorum að labba á Strikinu labbaði ég nánast í fangið á Lindu Sif sem var hér í helgarferð. Ótrúlgea fyndið að við skildum bara rekast svona á hvor aðra.
Þegar heim úr bæjarferðinni kom tók við smá tiltekt sem var alveg nauðsynleg enda ekki búið að taka til hér á bæ í jaa ansi langan tíma. Um kvöldið kíktum við svo aftur niður í bæ og byrjuðum á því að hitta Frosta sem var hér í Golfferð með Hauki bróður sínum. Ég sat aðeins með þeim strákum á Hvids vinstue og svo fór ég og hitti Lindu Sif aðeins áður en ég tók seinustu lest heim.
Þar sem ég lærði ekki neitt á laugardaginn var planið að vera rosalega dugleg á sunnudaginn en þegar ég vaknaði var ég bara alls ekki í stuði til að eyða þessum góðviðrisdegi í lestur. Ég reyndi að gera eitthvað þangað til Tryggvi vaknaði en svo fórum við í hjólatúr. Hjóluðum niður að langelinje, löbbuðum þar um, sáum litlu hafmeyjuna, stórt skemmtiferðarskip og fórum í gegnum kastellet. Á leiðinn heim kíktum við svo á kaffi hús og fengum okkur smá hressingu. Notalegur og rólegur dagur, svo þegar heim kom reyndi ég aðeins að kíkja í bækurnar.
Það er farið að rukka mig um bumbumyndir svo ég tók nokkrar núna í kvöld, hérna er ein, ég er allavega komin með smá bumbu og byrjuð að nota óléttufötin sem Lilja lánaði mér. Takk kærlega fyrir lánið Lilja :)

Jæja ætli ég láti þetta ekki nægja í bili og fari að kíja í háttinn.

Síðan seinast

2007-04-25T21:01:00.000+02:00

Síðan siðast hefur verið nóg að gera. Uhhmm það er bara spurning hvort ég muni hvað...

Páskarnir voru fullir af mat og gestum og sumir voru bara fullir!! Gígja og Stefnir komu og gistu hjá okkur Sella og Gummi komu og gistu hjá Sollu og Niels. Hilli kom og fékk lánað íbúð bróður síns....

Á skírdag hittumst við öll og skemmtum okkur vel ,það fréttu Kári og Rabbi og ákváðu að taka næstu vél til Köben svo þeir voru mættir á föstudaginn langa. Barirnir, veitingastaðirnir, skemmtistaðirnir og búðirnar í kaupmannahöfn voru skoðuð meðan þau dvöldust hér. Skemmtunin endaði svo á sunnudeginum með páskafrokost heima hjá okkur Tryggva. Tryggvi sá um innkaupinn og það var greinilegt að hann hélt að allir borðuðu jafn mikið og hann eða meira. Allavega var nóg af mat svo við þurftum ekki að elda fyrr en helgina eftir. En það var svo sem ekki svo slæmt því í vikunni eftir páska var nóg að gera hjá okkur báðum í skólanum. Ég var að undirbúa lokin á fyrsta hluta lokaverkefninsins og svo þurfti líka að vinna í lokaudnirbúningnum af finnlandsverkefninu. Helgarvinna minnkaði ekki álagið en þessum verkefnum var að mestu lokið á þriðjudaginn í seinustu viku.

Á miðvikudaginn var förinni heitið til Helsinki þar sem lokahendur voru lagðar á finnlandsverkefnið og á föstudaginn var Final Gala þar sem við vorum með stand þar sem við kynntum verkefnið og svo var einnig formleg kynnig fyrir framan fullan sal af fólki. Það gekk allt saman mjög vel og við fengum 5 fyrir verkefnið sem er hæsta einkunn í Finnlandi. Það fannst okkur ekki slæmt. Á föstudagskvöldið ollum þátttakendum í námskeiðinu boðið í veislu og það var mjög skemmtilegt. En þar ég var orðin frekar þreytt eftir erfiðar tvær vikur og gat ekki gleymt þreytunni með að hella í mig áfengi þá fór ég frekar snemma heim. En það var líka fínt þar sem ég gisti hjá Gunnhildi frænku og hafði þá smá tíma til að tala við hana.

Ég kom svo heim á laugardaginn notaði restina af helginni til að slappa af. Á mánudaginn hófst svo aftur vinna við lokaverkefnið og núna er það það eina sem ég á eftir. Það er ágætt að geta einbeitt sér fullkomlega af því.

Af lilta bumbubúanum er það að frétta að við fórum í sónar í dag og allt leit vel út. Hendur, fætur, hjarta, magi og fleira á réttum stað. Sem er það sem skiptir mestu máli. Það voru tekin allskonar mál af barninu og út frá því var reiknað að ég eigi að fæða 21 sept. Þá kemur í ljós hvort þetta verður strákur eða stelpa, við hefðum hugsanlega geta fengið að vita kynið í dag en gerðum það ekki. Ég er líka byrjuð að finna fyrir spörkum, það er ótrúlega fyndið og skrýtið.

Hérna er ein mynd úr sónarnum og fyrir þá sem eiga erfitt með að sjá eitthvað út úr henni þá sér maður barnið frá hlið og höfuðið er til vinstri og hnefi yfir andlitinu svo kemur búkur og "holurnar eru hjarta, magi og ég held pissublaðra" svo sjást fæturnar að hnjám :)

Jæja læt þetta duga af fréttum í bili

Sumarblíða eða allavega vorblíða í Köben

2007-03-26T19:20:00.000+02:00

Jæja það er víst kominn tími til að skrifa nokkrar línur. Um helgina og í dag hefur verið mjög gott veður, sól og blíða. Nú er bara að vona að veðrið haldist svona fram á vor. Ég hef reyndar heyrt að við eigum von á dálitlu páskahreti en ég blæs bara á þær fréttir og óska hér með eftir góðu veðri :) Ég var einmitt að koma úr göngutúr í Fredriksberg Have.

Annars er allt gott að frétta af okkur, ekkert svo merkilegt búið að gerast síðan síðast. Ég er ennþá að gera lokaverkefnið og Tryggvi á fullu í skólanum. Hann er á þessari önn hjálparkennari í einum áfanga svo hann hætti í vinunni þar sem það var orðið full mikið að gera.

Ég fór til Íslands fyrir rúmri viku til að kaupa páskaegg, nei djók! Aðalástæðan fyrir ferðinni var að Þórdís litla systir mín sem ekki er svo lítil lengur var að fermast. Þetta var stutt heimsókn og náði ég að gera lítið annað en að hjálpa til við veisluundirbúining og svo auðvitað vera til staðar á stóra deginum. Þórdís var ótrúlega sæt og fín í tilefni dagsins. Ég fékk það hlutverk að fylgja henni fyrrihluta dagsins, sækja úr hárgreiðslu, fara með hana í myndatöku og koma henni svo í kirkjuna á réttum tíma. Hún tók sig vel út hjá ljósmyndaranum og var alveg með pósurnar á hreinu svo ég bíð spennt eftir að sjá afraksturinn. Veislan heppnaðist vel í alla staði og Þórdís fékk fullt af flottum gjöfum en auðvitað flottustu gjöfina frá okkur systkinunum og viðhengjum. Ég keypti rauðan ipod mini á netinu og lét áletra hann og hún var auðvitað mjög ánægð.
Ég náði reyndar að gera nokkra aðra hluti á íslandi sem mig var búið að dreyma um áður en ég fór, það var að fara í sund, borða pulsu, kaupa ís með dýfu og svo fékk ég mér líka kókosbollu. Það er fyndið hvað maður saknar þegar maður er ekki á íslandi. Svo keypti ég auðvitað páskaegg til að taka með mér aftur heim til DK.

Á laugardaginn var árshátíð íslendingafélagsins í DTU, hún var haldin í Jónshúsi og heppnaðist mjög vel. Stjórnin eldaði sjálf mat og það var mjög góður matur. Eftir matinn var svo búið að skipuleggja hópferð á Klúbbin EMMA ég hef aldrei komið þangað áður en það er flottur og fansí staður og vel við hæfi þar sem allir voru í sínu fínasta pússi. Það sem mér fannst alveg frábært við staðinn er að það mátti ekki reykja inni, hlakka til í sumar þegar það verður bannað að reykja á öllum skemmtistöðum í Köben. Ég var nú ekkert sérlega lengi því ég var að fara að vinna á sunnudagsmorguninn. Fór heim rúmlega eitt en þar sem það var breytt í sumartíma um nóttina var klukkan í raun rúmlega tvö og því var ég ansi þreytt þegar ég þrufti að vakna hálf sjö nokkrum tímum síðar.

Ég hristi nú samt af mér þreytuna og skellti mér í vinnuna. Eftir vinnu fór ég á fund með stelpunum í Finnlandsverkefninu uppi í skóla og hjólaði þangað. Ég villtist aðeins á leiðinni en það var allt í lagi því ég hafði góðan tíma og veðrið var svo gott. Ég ákvað svo að nýta mér góða veðrirð og prufa að hjóla heim úr skólanum. Það tók tæpan klukkutíma sem er svipað langur tími og það tekur að taka lest og strætó. Spurning hvort maður ætti aðbyrja á þessu á hverjum degi....
Ætli það sé svo ekki kominn tími til að setja aðalfréttina á veraldarvefinn.
Við Tryggvi erum að verða foreldrar um miðjan september, spennó spennó. Ég læt fylgja sónar mynd frá því í tólf vikna sónar en þá var barnið 6 sm frá höfði að rófubeini. Núna er ég komin rúmar 15 vikur og þá á barnið að vera orðið 9,5 sm frá höfði að rófubeini svo það stækkar hratt. Ég er ekki komin með neitt sérlega bumbu, það lítur bara út eins og ég hafi fitnað smá en ég finn að hún er þarna einhverstaðar :)

Jæja ætli ég láti þetta ekki nægja í bili.

"Snjóstormur" i danmörku

2007-02-22T10:57:00.000+01:00

Já í dag er dagur snjóstormsins í Danmörku...... ég veit ekki hvað skal segja en ég get að minnsta kosti ekki kallað þetta snjóstorm. Það var snjókomma í nótt svo það er ágætlega mikið af snjó kannski svona 15 - 40 cm fer eftir hvar maður er, en það er löngu hætt að snjóa, búið að skafa allar götur og það er nánast enginn vindur. Þrátt fyrir það eru Danir varaðir við því að fara út, eru bara beðnir um að vera heima hjá sér, búið að aflýsa helmingnum af strætóleiðunum og það eru bara örfáar lestir sem keyra vegna þess að það eru vandamál með sporskiptingar..... Ég byrjaði á því að vera hneyksluð en núna finnst mér þetta eiginlega bara hlægilegt. Heilt samfélag er lamað vegna smá snjókommu. Það sem er undarlegast við þetta er að þetta gerist að minnsta kosti tvisvar á ári svo það er ekki eins og þetta sé eitthvað alveg ótrúlega sjaldgæft. Ég mundi kannski skilja þetta ef ég væri í brasilíu eða einhverstaðar þar sem að það kæmi snjór með 10 ára millibili en ekki hér.
Ég fór til dæmis upp í skóla í morgun því ég ætlaði að hitta hópinn sem ég er að gera Finnlands verkefnið með, ég fékk reyndar far í skólan hjá Kristían hennar Bergdísar. Þegar ég er komin í skólan fæ ég skilaboð frá Restinni af hópnum að þau bara geti ekki farið út í þessu veðri og verði að vera heima hjá sér!!!!! Reyndar skil ég það svo sem ef þær komast ekki í skólan út af strætóleysi. En ég sit núna uppi í skóla og er að velta fyrir mér hvort ég eigi að bíða til fimm til að fá far aftur heim eða hvort ég eigi að reyna við almenningssamgöngurnar.

Jæja ætli það sé ekki komið nóg af snjófréttum, annars er allt gott að frétta. Nóg að gera eins og hefur kannski sést hérna á síðunni þar sem ég hef ekki skrifað blogg í lengri tíma. Ég er semsagt byrjuð að lokaverkefninu mínu það felst í því að skoða vörurnar á cardiology sviðinu hjá fyrirtækinu AMBU (www.ambu.dk)til að ath hvort það sé möguleiki að búa til "product platform" semsagt hvort það sé hægt að finna eitthvað sameiginlegt með vörunum og nýta sameiginlegu þættina til að hagræða í núverandi og framtíðar framleiðslu og þróun. Núna erum við semsagt bara að grafa okkur niður í vörulysingar, BillOfMaterials og flæðirit yfir framleiðslu og setja upp svokallað Product Family Master Plan, sem er verkfæri sem var þróað i deildinni okkar í DTU til að hjálpa til við svona verkefni.

Vörurnar sem við erum að skoða eru elektróður sem eru límdar á brjóst fólks til að fylgjast með hjartslætti og til að gera allskonar próf.

Ég er svo búin að vera að vinna seinustu tvær helgar og hef því ekki haft mikið frí, en ég náði nú að kíkja í afmæli fyrir tæpum tveim vikum og fá gesti um seinustu helgi svo það hefur líka eitthvað skemmtilegt verið á dagskrá. A sunnudaginn bakaði Tryggvi bollur handa okkur svo við fengjum nú örugglega okkar skerf af rjóma á bolludaginn.

Núna um helgina erum við að fara í visindaferð á morgun í verkfræðinga félagið og svo er bjórkvöld í boði íslendingafélagsins í DTU á Sólbakken. Á sunnudaginn verða Erna og Stebbi í Köben á leið í heimsreisu svo við ætlum að hitta þau og gera eitthvað skemmtilegt.

Jæja ætli ég láti þetta ekki duga af fréttum í bili
Kv Þórhildur

Olee ole ole ole olee... oleee oleee

2007-01-27T14:04:00.000+01:00

Hér kemur útlistun á ferðinni til Magdeburg:

Dagur I: Ferðin hófst uppi í DTU klukkan 10:00 þar sem við vorum saman komnir samferðamennirnir, Gunni B, Gamli feiti, Tuskan og Klúbburinn. Ég hafði fyrr um daginn náð í sjálfrennireiðina sem við leigðum, VW Passat station og hafði það gengið stóráfallalaust fyrir sig. Tuskunni hafði hins vegar ekki gengið jafn vel að leysa sitt verkefni sem var að redda korti af leiðinni og prenta það út. Í stað þess að prenta út fljótlegustu leið af krak, valdi hann að finna leiðina í gegn um Hamborg( um 300 km krókur) og að auki aðeins að prenta út kortin sem voru í kring um Hamborg. Þar ætlaði Tuskan hins vegar að vera með á nótunum og til að tryggja það hafði hann prentað eintak á mann að þeim hluta. En nú var serverinn hjá krak niðri svo það var ekkert að gera nema láta reyna á það hvort við kæmumst ekki á leiðarenda á gutfeeling sem og við gerðum.

Þegar til Magdeburgar var komið var tekið til við almenn drykkju-og fíflalæti, matsölustaðurinn Alex fundinn og fyrsta snitzel champingon-inu sporðrennt ásamt bjór og vodka red bull. Heilsuðum upp á Fúsa Sig. og Sig. sjálfan sem voru þarna að matast og þá var komið að hlutverki Absalon uppvakningsins. Absalon uppvakningurinn er maður sem stundum bregður sér í klúbbinn á síðkvöldum og er maður sem kallar ekki allt ömmu sína. Hann rífur 20 evru seðla í tvennt til að greiða 10 evrur, hann drekkur ekkert nema þrefaldan Jack í kók og lætur sko engann segja sér fyrir verkum. Þegar hér er komið við sögu færðum við okkur um set og einhverjir sáu sér leik á borði og svívirða nokkrar styttur borgarinnar á leið milli staða. Á endanum var svo haldið upp á hótelbar þar sem restin af hópnum var hitt en þau voru nýskriðin úr flugi en gerðu sitt besta til að halda í við okkur félagana.

Dagur II: Vaknað upp úr hádegi og farið að vinna í því að koma sér á stórleik Íslands og Ástralíu. Mönnum gekk nú misvel að komast fram úr en allt hafðist þetta að lokum og eftir eina Bratwurst með tómat eða bjúga í rúnstykki eins og Gunni vildi meina að þetta væri voru allir komnir í sætið sitt og farnir að horfa á okkar menn valta yfir þá frá down under. Kvöldið varð svo tíðindaminni endurtekning á kvöldinu áður, snitzel á Alex með Fúsa á næsta borði, almenn drykkju-og fíflalæti.

Þynnka dagsins: Gunni B

Comeback dagsins: Gunni B

Dagur III: Allir nokkuð hressir í morgunsárið nema Tuskan sem var eitthvað hálftuskulegur. Slepptum FRA-AUS til að hanga á bar og horfa á Arsenal-Man Utd. Og POL-BRA. Skelltum okkur svo í höllina og sáum hinn umtalaða leik ISL-UKR og skemmtum okkur ekkert ofboðslega yfir því. Þriðja snitzeli ferðarinnar slátrað og sorgum drekkt fram á rauða.

Þynka dagsins: Tuskan

Comeback dagsins: Klúbburinn(amk ekki Tuskan)

Dagur IV: Fyrri partur dags er nú hálf þokukendur hjá undirrituðum þar sem hann eyddi bróðurpartinum úr honum með andlitið ofan í klósettskál. Aðrir reyndu að koma meiri pening í lóg með að fara í verslunarleiðangur. Upphitun fyrir leik fór fram á sportbarnum The Fan og var upplitið á íslenska hópnum langt frá því að vera bjart. Þó var tekin ákvörðun um að skella sér á leikinn og þrátt fyrir vonleysið. U.þ.b. hálftíma seinna voru ca. 7 mín liðnar af leiknum ISL-FRA og staðan 5-0 fyrir Íslandi, þynnkan gleymd og farið að svipast um eftir bjór og með því. Stemmingin magnaðist og eftir leik fóru allir íslensku áhorfendurnir á The Fan þar sem var engu líkara en að tónmenntartímarnir hjá Soffíu Vagns hefðu verið færðir inn á bar í þýskalandi, Bubbi sunginn í bland við íslensk þjóðlög og skálað af áfergju. Þegar farið var að stór sjá á áfengisbyrgðum The Fan og andliti þeirra sem tóku til á borðum með því flutti hópurinn sig svo um set á kareoke barinn við hliðina á The Fan. Þar voru menn misduglegir við að taka lagið, en enginn sló Tuskunni við sem tók bæði einsöng og dúett. Síðbúinn kvöldmatur var svo tekinn í morgunsárið þar sem gagnrýnenur jusu skítkasti yfir túlkun Tuskunar á With Arms Wide Open svo mikið að Tuskan hefur tekið upp eftirnafnið Hung eftir kollega sínum.

Þynnka dagsins: Tvímælalaust ég.

Comeback dagsins: líka ég

Dagur V: Eftir stuttan fund í lobbyinu um hvort það ætti að halda áfram suður í milliriðil eða heim til Kbh. var haldið sem leið lá til Kaupmannahafnar þar sem hvorki fjárráð, andleg-eða líkmleg heilsa leyfðu annað. Endað í pizzu á Hjörringsgade.

Nú hefur HM-stofa verið sett upp á Hjörringsgade þar sem þýskar útsendingar eru streamaðar.

Rigning og HM í handbolta

2007-01-20T16:20:00.000+01:00

Ég var í vinnunni í morgun og það ringdi og ringdi og ringdi, ekkert sérlega skemmtilegt að mæta heim til fólks rennblautur stoppa í smá stund og fara svo aftur í blautu fötin. Alveg týpiskt að þegar ég er komin heim er komið þetta fína veður vona bara að það haldist þangað til á morgun því ég er að fara aftur í vinnuna í morgun.

Ég ætlaði að fara að horfa á ísland - ástralía á HM í handbolta á netinu, en haldiði ekki að maður geti bara horft á þetta ef maður er á íslandi :( Ég var að vona að ég gæti kíkt á leikinn og kannski séð Tryggva og félaga. Já Tryggvi og fleiri vinir okkar úr DTU lögðu af stað í gær til Magdeburg og ætla að fara á alla leiki Íslands í riðlinum. Tryggvi fór með fjórum öðrum, Gunna A, Gunna B, Kidda og Þorsteini, þeir leigðu bílaleigubíl og keyrðu niður eftir. Tryggvi fór að sækja bílinn í gærmorgun og af því það var búið að bóka of marga bíla í flokkinum sem þeir höfðu pantað þá fengu þeir stærri bíl, VW Passat station. Ekkert smá flottur bíll, ég hugsa að það hafi ekki verið leiðinlegt að keyra á mótorvegum Þýskalands á honum.

Ég var nú pínu svekkt yfir að vera ekki að fara með þeim en maður getur víst ekki gert allt, ég er verð nefnilega farin til Helsinki þegar Tryggvi kemur heim. Ég er að fara til Helsingi vegna verkefnis í skólanum. Við leggjum af stað á Þriðjudaginn og verðum að vinna í verkefninu á fram á föstudag, en þá verðum við í fríi þar fram á mánudag. Mamma er að koma til Helsinki á föstudeginum vegna þess að hún er að fara á ráðstefnu á mánudeginum og þriðjudeginum eftir. Þannig að við verðum saman í Helsinki yfir helgina og gistum hjá Gunnhildi frænku.

Það er annars ekkert merkilegt búið að gera síðan seinast, það var reyndar aðeins meira að gera hjá mér í seinustu viku en vikuna á undan. Ég var bæði að vinna í Finnlands verkefninu og svo var ég að vinna tvo daga. Ég fór svo í heimsókn til Þórdísar frænku eitt kvöld í vikunni, Matthildur var í heimsókn þar og ég og hún saumuðum trefil handa nýja bangsanum sem hún fékk í jólagjöf, rosalega dugleg ég :) Sif flutti til DK á fimmtudaginn og ég hitti hana í gær í bænum og við kíktum aðeins í nokkrar búðir. Ég verslaði ekki neitt en Sif aðeins meira.

Íslendingar bara alveg að vallta yfir Ástrala, ég get þó að minnsta kosti hlustað á lýsingu á leiknum á Rás 2.

Árið 2007 hafið

2007-01-14T15:06:00.000+01:00

Jæja þá er nú komin tíma á að skrifa nokkrar línur, ég þurfti alveg viku til að koma mér að þessu eftir að ég kom aftur til Köben. Það er ekki eins og það hafi verið brjálað að gera seinustu vikuna eða neitt svoleiðis ég bara þurfti að komast í smá skrifistuð.
Ég vona auðvitað að allir hafi átt góð og gleðileg jól og hress og skemmtileg áramót. Við skelltum okkur til íslands yfir jólin, ætlunin var að lenda þar að kvöldi 22 des en vegna vonskuveðurs þurftum við að bíða í ellefu tíma á kastrup flugvelli og lenntum ekki á íslandi fyrr en tæplega átta á þorláksmessu morgun mjög þreytt og migluð.
Stefnir og Gígja sem fóru til ítalíu yfir jólin voru svo góð að lána okkur íbúðina sína og bílinn sinn sem var alveg frábært. Við höfðum það annars mjög gott yfir jólin, hittum vini og ættingja fórum í fjölmörg boð og bættum á okkur nokkrum kílóum. Ég fór í hið árlega og skemmtilega vinkonu pakkaboð og var það hin frábærasta skemmtun, og daginn eftir bauð Sonja okkur í bláa lónið og nuddaði úr okkur þynnkuna :) Ekkert smá næs, takk kærlega Sonja.
Um áramótin fórum við í tvö partý bæði hjá félögum tryggva úr verkfræðinni en ég var bara á bíl það kvöldið til að geta komið okkur heim í grafarholtið, var nokkuð sátt við að sleppa við allt leigubílavesenið.
Við komum svo heim til Köben í byrjun þessarar viku, eða ég á sunnudaginn og Tryggvi á mánudaginn. Hérna er skólinn svona eitthvað að byrja og svo erum við bæði eitthvað að vinna aukalega (maður verður nú að borga jólagjafirnar einhvernveginn) svo þarf auðvitað aðeins að huga að þessum aukakílóum sem maður safnaði yfir jólin en annars eru það bara rólegheit.
Veðrið hér er nú ekki búið að vera hið skemmtilegasta, það er bara rignig og rok daginn út og inn, ekkert sérlega spennó en það er þó bót úr máli að það er ágætlega heitt (5-10°C).
Um þessa helgi erum við svo aðallega búin að borða góðan mat, á föstudaginn komu Guðlaug og Svenni í mat til okkar og elduðum við (eða Tryggvi) Andabringur sem voru rosalega góðar og í gær fórum við til Ragga og Gunna bræðra í mat en Gunni var hér yfir helgina á leið frá indónesíu, þar fengum við mjög gott nautakjöt. Við kíktum svo aðeins á kaffihús á Istedgade en þar sem ég var að vinna í dag og Tryggvi að fara að gera verkefni þá fórum við nú bara í fyrri kanntinum heim.

Jæja ætli ég láti þetta ekki duga af skrifum í bili.
Þórhildur

Kominn timi til að skrifa!!

2006-11-23T17:23:00.000+01:00

Jæja það er nú svo sem ekkert sérlegt að frétta... er bara að skrifa nokkrar línur því akkurat í augnablikinu nenni ég ekki að læra. Vona að þetta augnablik vari ekki lengi því það er alveg hreint nóg að gera. Eins og venjulega á þessum tíma ársins, já seinasta prófatörnin mín í háskóla (allavega í bili) að hefjas. Mjög skrýtin tilfinning, ég fer reyndar ekki í nein stór próf, bara tvö munnleg sem gilda bæði einn þriðja af einkunn í því fagi. En afturámóti er ég að gera alveg slatta af verkefnum.
Ég hitti í dag stelpu, Söru, sem ég er líklega að fara að gera lokaverkefni með, ég talaði við einn leiðbeinanda í seinustu viku og hann benti mér á að tala við hana því hún var með sama áhugasvið og ég og honum fannst sniðugt ef við gerðum verkefni saman. Ég var með henni í einum kursi fyrir ári svo ég þekki hana svona smá og mér líst bara mjög vel á þetta allt saman eftir fund okkar í dag.
Við ætlum að gera verkefni um product platforms og product development (veit ekki alveg hvað þetta heitir á Íslensku) i samvinnu við eitthvað fyrirtæki. Leiðbeinandinn er með fullt af verkefnum og fyrirtækjum i huga svo það kemur nánar í ljós í janúar hvaða fyrir tæki og hvað við gerum nákvæmlega. Við byrjum semsagt í febrúar og tökum 40 ECTS eininga verkenfi eða eins og 20 íslenskar HÍ einingar svo við verðum fram á næsta haust að klára verkefnið.
Annars er lítið búið að vera að gerast, ég var að vinna um seinustu helgi svo það var lítið úr lærdómi en ég reyndi samt. Við kíktum líka aðeins í heimsókn á laugardagskvöldið til Gunna A, Kidda og Þorsteins þar sem Finnur vinur tryggva og Íris kærasta hans voru í heimsókn frá Íslandi.
Á laugardaginn erum við svo að fara á julefrokost hjá íslendingafélaginu í DTU, það verður örugglega gaman, en rólegt hjá mér því ég er bæði að fara að vinna og að læra á sunnudaginn.
Jólin eru aðeins farin að láta sjá sig hérna, byrjað að hengja upp jólaskraut í búðum og á fleiri stöðum svo eru auðvitað auglýsingabæklingarnir sem minna man á að maður þarf nú að fara að versla jólagjafir, jólaskraut, jólamat og bara jólaalltsaman. Ég veit ekki alveg hvenær ég á að hafa tíma fyrir svoleiðis þvi ég er í mínu seinasta prófi föstudaginn 22 des og þá fer ég líka heim til Íslands, en það hljóta að bætast nokkrir aukatímar í sólarhringinn þarna í desember svo ég hafi tíma til að skokka út og kaupa nokkrar jólagjafir.

jæja held að það sé komið nóg í bili, verð að fara að snúa mér að bókunum.
Langaði að enda á því að senda smá kveðjur;

Sigrún og Craig voru að eignast lítinn sætann strák og ég óska þeim innilega til hamingju með það og auðvitað Viktoríu til hamingju með að verða orðin stóra systir.

Freyr uppáhaldsfrændi minn á afmæli á mánudaginn og hann fær líka sendar afmæliskveðjur frá mér :)

Þórhildur

Nokkrar myndir!!

2006-11-06T22:47:00.000+01:00

Allt gott að fretta hédan höfdum thad gott um helgina. Fórum á föstudaginn á Pilegården með fleiri íslendingum að fagna komu jólabjórsins. Það var ágætis stuð þar, en þar sem ég var þreytt eftir vikuna fór ég bara heim með seinasta strætó :) Á laugardaginn fór ég svo í klippingu og kíkti aðeins í bæinn á meðan Tryggvi svaf úr sér þynnkuna. Mamma hans Tryggva kom um miðjan daginn og stoppaði í eina nótt á leið til Jótlands hún keypti handa okkur góðan mat sem við elduðum, en ég var ennþá þreytt á laugardagskvöldinu svo ég fór aftur snemma að sofa, man ekki hvenær ég fór svona snemma að sofa á laugardagskvöldi seinast. En ég var að minnsta kosti úthvíld á sunnudaginn... gat því einbeitt mér að lærdómnum í nokkra tíma áður en ég fór í stelpu matarboð í nýju í búðina til Ástu Siggu. Það var rosa kósí.

Mig langaði svo að setja inn nokkrar myndir frá oktober :)

Nýju tattúin hans Tryggva

París með Elsu, Þórdísi, Marie frænkum og Ömmu

Á leið heim til Íslands
Við Tryggvi hjá Binna og Lilju

Binni og Lilja

Veðrið í Danmörku var svo gott daginn sem við keyrðum í skipið að vindmillurnar hreyfðust ekki.

Þórshöfn í Færeyjum

Þessi sjón blasti við okkur við komuna til landsins

Veðrið batnaði nú aðeins þegar við nálguðumst Reykjavík

Tóbías sæti í nýju úlpunni sem við gáfum honum

Ragga, Hugrún og Freyr í heimsókn

Við, Hugrún og Freyr í dýragarðinum

Kveðja Þórhildur

Nei bara önnur færsalan á tveimur dögum..

2006-11-01T19:45:00.000+01:00

Ja hvad haldidi ég er bara aftur að skrifa á bloggið í dag.

Ég þurfti bara aðeins að auglýsa það hvað ég er öfundsjúk út í Tryggva hann er núna i þessum töluðu orðum á leiðinna á leik Man United og FCK i Parken. Tryggvi reyndi að fá miða fyrir okkur þegar það var byrjað að selja þá en þeir seldust upp á nokkrum sek. Það var hægt að fá miða á svörtum markaði en þeir kostuðu frá 30 þúsund og það var nú aðeins of dýrt. En í gær hringdi hann í mig í skólann og var eitthvað svo glaður í röddinni að eg vissi að eitthvað skemmtilegt hafði gerst. Þá hafði Bippi bara hringt i hann og sagt honum að hann væri með einn auka miða sem hann vildi selja Tryggva á kostnaðarverði.... svo það má segja að Tryggvi hafi dottið i lukkupottin þar. En reyndar öfunda ég hann ekki að vera úti núna því það er svo svakalega kalt. A einni nóttu er hitastigið búið að falla örugglega um 10 stig, ótrúlegt og það er bara slidda og læti...
Annars er nog að gera i kaupmannahöfn þessa vikuna, í kvöld er þessi leikur á morgun er MTV musik awards á Ráðhústorginu og ég á heldur engann miða á það og á föstudaginn klukkan 20:59 kemur jólabjórinn á barina. Svo það verður stemmning í bænum þá og ég ætla að kíkja á það svo...
Jæja ætla að skreppa í á milli stigaganga á Sólbakken og kíkja í heimsókn til bergdísar, já fyrir þá sem ekki vissu þá flutti hún hingað í byrjun þessa mánaðar, mjög gaman :)

Bless i bili

November á morgun

2006-10-31T17:14:00.000+01:00

Vá það eru miklu meira en tvær vikur bunar af skolanum nuna, seinast þegar að eg skrifaði a bloggið voru tvær vikur liðnar af skolanum svo það er langt siðan eg skrifaði...
Ætli það se ekki vegna þess að það hefur verið nog að gera og er ennþá, nuna er eg bara ekki alveg að nenna að lesa það sem ég er að lesa svo eg ákvað að nýta tækifærið og skrifa nokkrar línur.
Ég er i skolanum og það er buið að skifta yfir i vetrartima þannig að það er orðið alveg dimmt uti og klukkan er fimm. En aftur a moti er bjartara a morgnana i staðinn. Það var mjög þæglilegt um helgina þegar var skift ég græddi eins tima svefn, serstaklega þar sem eg var að vinna og þurfti að vakna 6:40.
Ja annars er margt og mikið buið að gerast siðan eg skrifaði seinast. Ætli ég reyni ekki að segja fra því i stuttu máli.
- Helgina eftir að eg skrifaði seinast komu mamma og pabbi i heimsokn, það var mjög gaman og við fengum goðan mat og svona.
- Helgina eftir það komu Halla og Gunni i heimsokn, lika mjög gaman en eg var lika að vinna þá helgi svo ég gat ekki djammað eins og hinir en svona er það nú bara.
- Daginn eftir að Halla og Gunni foru heim for ég til Helsinki með skolanum, við erum þrjar i DTU að gera verkefni með hop i tækniháskólanum i helsinki. Við stoppuðum bara i tvo daga og saum nu ekkert sérlega mikið af bænum en þeim mun meira af háskólasvæðinu. Það er oþarfi að örvænta þvi eg fer nefnilega tvisvar aftur til helsinki fyrir lok verkefnisins sem er i april og vonandi get eg stoppað lengur þá. Gunnhildur frænka er einmitt flutt til helsinki svo eg gæti verið hja henni i nokkra daga :)
- Það var stutt stopp i danmörku eftir helsingi en svo lá leiðin til Parísar með Ömmu, Þórdísi, Marie og Elsu frænkum. Mjög skemmtilegt helgi i parís sáum allt það helsta, Louvre, Champs Elysse, sigurbogann, Effelturninn, Sacré coeur og auðvitað nokkrar buðir.
- Svo stoppaði ég heima í þrjá daga en við lögðum af stað i ferðalag á fimmtudegi heim til íslands, við vorum að fara með bílinn okkar heim og tókum norrænu. Hun siglir a laugardögum en við ákváðum að nýta ferðalagið og koma við í nágrenni århus og heilsa upp á fólk sem við þekkjum þar. Við gistum hjá Binna og Lilju í tvær nætur og svo héldum við i norrænu. Til að gera langa sögu stutta þá vorum við komin til Reykjavíkur á þriðjudagskvöldi. Við höfðum það fínt á íslandi fyrir utan að eg fekk sma magapest. Við stoppuðum heima í tæpa viku og forum út aftur á mánudagsmorgni.

Við komum semsagt heim fyrir rétt rúmri viku síðan og eins og þið sjáið þá hef ég haft mjög lítinn tíma til að skrifa á bloggið. Nuna er bara nám og einhverjar smá uppákomur framundan svo það ætti að verða aðeins meira um skrif.

Á fimmtudaginn fengum við góða heimsókn, því Ragga, Hugrún og Freyr (frændfólk mitt) komu til okkar og gistu hjá okkur eina nótt. Ragga var á fundi á föstudaginn svo við Tryggvi, Hugrún og Freyr fórum í Dýragarðin og það var ótrúlega gaman. Svo hittum við Röggu seinnipartinn og bauð hun okkur ut að borða á ítalska veitingastaðinn á fiolstræde sem er svo góður.
Á föstudagskvöldið var bjórkvöld hjá Íslendingafélaginu í DTU og það var haldið á Sólbakken, kollegíinu okkar, svo ég kíkti aðeins þangað en það var aftur komið að vinnuhelgi hjá mér svo ég for snemma heim og að sofa. Helgin fór svo bara í það að vinna og læra smá.

Núna er komið að því að ég fari að ákveða hvenær og hvað ég geri sem lokaverkefni, ég er eitthvað hringlandi með þetta en þetta ætti allt að fara að skýrast á næstu vikum. Hlakka til þegar það verður komið á hreint!!

Jæja ég ætla að hala áfram að læra aðeins áður en ég fer í keramikklúbbinn á eftir

bless i bili og vonandi skrifa ég fljotlega aftur

Þórhildur

....

2006-09-18T21:33:00.000+02:00

Tvær vikur liðnar af skólanum og allt komið vel í gang, bæði félagslíf og verkefnavinna..... já hvar á ég að byrja, ég hef verið að gera margt og mikið undanfarnar tvær vikur.
Fótbolti hefur verið óvenjumikið á dagskrá. Við fórum á bar niðri í bæ að horfa á Ísland tapa fyrir Danmörk (ekkert sérlega spennandi leikur en skemmtilegt fólk að tala við svo það var í lagi) í seinusti viku fórum við svo á leik í meistaradeildinni FC Köbenhavn og Benfica, mjög gaman að fara á völlinn og sjá stemminguna en það var líka hundleiðinlegur leikur og þá var ég nú eiginlega komin með nóg af að horfa á fótbolta í bili. En svo var það eiginlega óvart að ég endaði á bar niðri í bæ að horfa a Arsenal - United og það var skemmtilegur leikur þó úrslitin hefðu kannski ekki verið alveg eins og ég hefði kosið.
Seinustu helgi (fyrir rúmri viku) var vel tekið á því í djamminu og lítið gert annað en að djamma og sofa en það var ágætt, ég fékk minn skammt af djammi í bili svo nú er hægt að einbeita sér að einhverju öðru. Á föstudeginum var Sensommerfest uppi í DTU og við hittumst nokkur hja Gunna B, sem býr á kollegíi við skólann, og grilluðum svo var kíkt á partýið í skólanum og til að þurfa ekki að taka leigubíl heim var seinasti strætó tekinn niður í bæ. Þar splittaðist hópurinn og ég fór með Gunna A og Gauja (þeir eru nýfluttir til DK) á LA bar þar sem þeir heimtuðu að fara á dansistað og það var rosaskemmtilegt við dönsuðum alveg af okkur skóna við fórum svo heim seint og um síðir.
Á laugardagskvöldið héldum við smá innflutningspartý og auðvitað var kíkt í bæinn á eftir, þar rákumst við á nokkra gamla félaga úr MK sem voru í fríi og auðvitað þurfti að rifja upp gömul kynni þannig að við komum heim ennþá seinna og um síðir.
Helgin núna var aðeins rólegri við vorum heima á föstudaginn og elduðum góðan mat og höfðum það huggulegt og á laugardaginn fórum við út að borða í tilefni af afmæli Þórdísar frænku minnar það var líka mjög huggulegt.
Annars hef ég verið dugleg að mæta í leikfimina sem ég skráði mig í og líkar mjög vel. Bráðum verð ég orðin vöðvakögull :) eða kannski ekki. Svo er keramikklúbburinn aftur að fara í gang eftir sumarfrí og þar sem ég er búin að koma mér í stjórn í honum þá var ég að gera heimasíðu fyrir hann, taka til og undirbúa fyrir kynningarkvöld sem er á morgun.
Ég ætlaði að segja aðeins frá kúrsunum sem ég er í núna en það verður að bíða betri tíma þetta er orðið alveg nógu langt
bæ í bili
Þórhildur

Tíminn líður...

2006-09-04T10:45:00.000+02:00

Sumarið að verða búið og skólinn að byrja, ótrúlegt hvað tíminn líður hratt. Ég búin með annað árið af masternum og þá er bara eitt eftir og mér finnst við vera nýflutt til Kaupmannahafnar.
Það er búið að vera nóg að gera hjá okkur undanfarið og óvenjumikið um heimsóknir. Helgina fyrir 2 vikum voru Anna og Robbi í heimsókn hjá okkur. Við gerðum ýmislegt skemmtilegt, fórum í sightseeing hjólatúr um bæinn, í tívolí þar sem við fengum auðvitað stóran tívolíís og ég náði að prufa Himmelskibet (nýja tækið í tívolí sem hefur alltaf verið eitthvað bilað þegar ég hef farið), að versla og svo borðuðum við góðan mat, mjög gaman að hafa þau hjá okkur. Sömu helgi hittum við fleiri skyldmenni sem áttu leið um köben. Helga og Jói og familía voru á leið heim eftir að hafa verið að sigla á skútu á fjónshafi, ég skoðaði myndir frá siglingunni og ákvað að þetta ætlaði ég að gera. Þarf bara fyrst að læra að sigla eða taka einhvern reyndann með mér! Maggý og Jenný frænkur voru í stuttri heimsókn og kíktu við hjá okkur í Kaffi og Anna Sigga var á leið til Suður Evrópu og kom í mat. Svo það má segja að þetta hafi verið helgi ættingjanna :)
Helgin fyrir viku einkenndist af 50 ára afmæli sólbekken á laugardaginn var dagskrá frá morgni til kvölds, morgunmatur, fótboltamót, móttaka með snittum og bjór, vatnsslagur, kvöldmatur, magadans og auðvitað partý langt fram eftir nóttu. Það var mjög gaman, gott tækifæri til að kynnast fólkinu á Sólbakken, sunnudagurinn fór svo í það að hvíla sig eftir herlegheitin.
Erla Björk og Marta komu svo á miðvikudaginn og var hjá okkur fram á laugardagsmorgun þegar þær fóru til Árhús. Við gerðum ýmislegt skemmtilegt, fórum að versla og í litlum sætum og flottum búðum, í hjólaferðu um bæinn, út að borða og á tónleika.
Semsagt nóg að gera... auðvitað höfum líka verið að vinna. Seinasti dagurinn minn í vinnunni var í gær. Núna verð ég að vinna fjórðu hverja helgi með skóla og get fengið aukavaktir ef ég vil, ég efast reyndar um að ég hafi mikinn tíma til þess en það kemur bara í ljós.
Ég skráði mig í tvennskonar leikfimitíma fyrir helgi, þetta eru íþróttir fyrir stúdenta og það er hægt að skrá sig í allskonar íþróttir gegn vægu gjaldi. Ég ætla að fara á mánudögum og fimmtudögum í tíma, á mánudögum fer ég í einhverskonar lyftinga þjálfun, stóð í bækklingnum að æfingarnar eru til þess að gera mann sterkan en ekki stóran. Á Fimmtudögum fer ég í eitthvað sem heitir bodytoning. Vona að þetta verði skemmtilegt og ég verði svaka sterk og stælt eftir veturinn. Fyrsti tíminn er í kvöld svo við sjáum til á morgun hvort ég geti hreyft mig fyrir harðsperrum.

jæja ég læt þetta duga í bili

Rigningarhelgi...

2006-08-13T23:24:00.000+02:00

Já maður er orðin góðu vanur... Það er skrýtið þegar það bara rignir og rignir og manni er meira að segja aðeins kalt. En það er samt notalegt að geta bara verið inni í rigningunni ég er allavega glöð að ég var ekki að vinna það var alveg nóg að rigna niður á föstudaginn. Það versta sem ég veit er að fara í blaut regnföt ég vona bara að það rigni ekki á morgun.
Á föstudagskvöldið fórum við í svakalegt partý. Kristian kærasti hennar bergdísar hefur búið og unnið á PHD guesthouse í DTU en núna á að fara að rífa það svo þar voru engir gestir og búið að tæma nánast allt út nema dótið hans. Þannig að þá var auðvitað um að gera að halda partý. Bergdís og Kristian voru líka að koma frá Þýskalandi svo þau áttu slatta af bjór og svo þurfti auðvitað að grynnka á vínskápnum því það er ekki svo mikið pláss heima hjá bergdísi þangað sem Kristian er að flytja. Við vorum þarna nokkrir færeyingar og íslendingar og sekmmtum okkur mjög vel þangað til að við vöknuðum daginn eftir.... dagurinn eftir partý getur verið erfiður. Við Tryggvi gistum í einu af tómu herbergjunum í húsinu og þegar við vöknuðum, einhverntíman eftir hádegi, fórum við ásamt Bergdísi og Kristian á Big Mama's pizzahouse i lyngby með viðkomu í apótekinu til að fjárfesta í nokkrum verkjatöflum. Restinni af deginum var svo eytt uppi í sófa fyrir framan sjónvarpið þannig að ekki þyrftir að reyna of mikið á heilann.
Við gerðum nú ekkert sérlega mikið í dag, þurftum aðeins að fara í búð og ákváðum að fara í Bilka, það endaði með næstum klukkutíma bið í röð, það var einhver rosa tilboðsdagur og við föttuðum ekki hvað var mikið af fólki fyrr en klukkan var að verða 5 og allar aðrar búðir að loka. Ég held við höldum okkur bara við nettó í framtíðinni.
bless í bili

p.s. setti inn myndir, fleiri af íbúðinni og síðan við vorum á íslandi, ég afrekaði það þrátt fyrir skerta heilastarfsemi í gær ;)

Verslunarmannahelgi i köben

2006-08-06T21:49:00.000+02:00

Já það er víst verslunarmannahelgi á íslandi þessa helgina, maður verður pínu var við það hér, er allavega búin að hitta nokkra íslendinga sem eru hérna í verslunarmannahelgarferð. En í tilefni af því að ég var loksins í helgarfríi (búin að vinna tvær seinustu helgar) fórum við Tryggvi og Gígja í leiðangur. Keyrðum á eyjuna Mön sem er suður af Sjálandi og skoðuðum hvíta kletta þar. Gengum um í skóginum fyrir ofan klettana þar fundum við nokkur dýr t.d. pínulítinn frosk og maríubjöllu...

Við fórum svo niður nokkur hundruð tröppur til að komast á ströndina fyrir neðan klettana.

Við vorum að sjáfsögðu með nesti með okkur og grill en ákváðum að í staðin fyrir að finna okkur einhvern stað til að grilla á þá væri bara fínt að fara heim og grilla í garðinum hérna fyrir utan Solbakken. Fengum rosagóðar steikur og kartöflusalat sem ég bjó til um morgunin áður en við lögðum af stað.. í fyrsta skipti sem ég prufa það en það tókst bara nokkuð vel til.
Við sátum svo úti fram eftir kvöldi spjölluðum og spiluðum... ég kíkti svo aðeins niður í bæ og hitti Marie frænku mína og vinkonur hennar, það er ekkert smá þægilegt að búa svona rétt hjá bænum, maður skreppur bara aðeins í bæinn og fer svo bara heim þegar mann langar og þarf ekkert á spá í næturstræto eða leigubíl.
Ég er búin að ákveða að ég þurfi að fara að skoða alla garðana sem eru hér í Köben, í dag fórum við í einn sem heitir kongens have og er niðri í miðbæ. Það er ótrulega mikið af fólki sem nýtir sér þessa garða til að flatmaga í sólinni og slappa af, þeir eru líka flestir svo vel til hafðir og stórir þannig að það er nóg af plássi fyrir alla. Tryggvi var pínu þreyttur svo hann lagði sig aðeins ....
Á föstudagskvöldið kíktum við í Tívolí á tónleika með Lisu Ekhdal sænskri gellu sem gerir mjög skemmtilega tónlist að mínu mati, það eru tónleiar í tívolí á hverju föstudagskvöldi og yfir leitt einhverjar skemmtilegar hljómsveitir. Mér finnst voða kósí að kíkja í á þessa tónleika það er alltaf svo þægileg stemmning.

Í seinustu viku keypti ég strengi í gítarinn sem við erum með, það hefður vantað einn streng í hann í langan tíma og svo þegar ég var búin að setja strengina í fattaði ég að ég gæti auðvitað ekki stillt gítarinn þegar ég hef ekkert til að miða við svo ég fór og keypti tuner lika. Núna er planið hjá mér að fara að æfa mig að spila... hefur alltaf langað til að kunna að spila á gítar, en það gerist víst ekki mikið ef maður æfir sig ekki svo núna er komið að því

Jæja ég vona að þið hafið öll skemmt ykkur vel um verslunarmannahelgina
bæ í bili

Nýtt blogg - ný íbúð

2006-08-01T22:10:00.000+02:00

Passar saman er það ekki að fá sér nýtt blogg þegar maður flytur í nýja íbúð... mér fannst allavega vera komin tím til að breyta til, ég var orðin svo þreytt á að geta ekki sett inn myndir eða tengla í færslurnar á gamla blogginu. Ég veit ekki hvað ég er búin að eyða mörgum tímum í það að reyna að koma því í lag, uppfæra windows og gera allskonar einhverjar krúsídullur en það bar aldrei árangur.
Þegar ég var að reyna að stílfæra þessa bloggsíðu reyndi ég í fyrsta skipti við html forritun og það gekk bara nokkuð vel, ég er allaveg sátt við útlitið -- vona að sá sem gerði bakgrunns munstrið sé sama að ég sé að nota það!!

En vá hvað það eru miklar þrumur og eldingar í augnablikinu, hef sjaldan upplifað annað eins, þær gerðu nú aðeins boð á undan sér með smá köldum vindi fyrr í kvöld. En síðan við fluttum höfum við alltaf borðað kvöldmatinn úti á svölum en í dag var eiginlega bara kalt það hefður yfirleitt verið þannig að maður sé að kafna frekar en hitt. Já það má með sanni segja að það hafi verið gott veður hérna í sumar!! Sól og hiti næstum upp á hvern einasta dag og ég fæ sem betur fer að njóta þess aðeins á meðan ég er í vinnunni.

En að aðalmálinu, við fluttum í nýja íbúð daginn eftir að við komum aftur til DK, það var frekar strembin dagur, - vinna - pakka - þrýfa gömlu íbúðina - og flytja allt draslið. Við búum núna á 7 hæð á Solbakken kollegiinu og sem betur fer er lyfta, en hún er frekar lítil svo það var ekki hægt að koma stórum mublum í lyftuna - og þá neyðist maður til að halda á þeim upp, sem var frekar erfitt. Það var langt liðið á kvöldið þegar kom að stóru mublunum og allir sem voru að hjálpa okkur voru farinir heim (takk fyrir hjálpina Gígja, Jóhanna og Brian) nema Bergdís þannigað við bergdís skiptumt á að bera stóru hlutina upp með Tryggva. Það má segja að við höfum verið frekar búin á því eftir þennan dag.
Við tók ekki mikið betri vika því það þurfti að sparsla skrilljón í göt og sprungur, slípa og mála íbúðina þannig að á mánudaginn fyrir rúmri viku kláruðum við að mála, þá tók við að taka upp úr kössum og raða húsgögnum o.s.frv. en við erum ennþá að vinna í því og höfum bara tekið okkur nægan tíma í það og slappað af inn á milli.
Hérna koma svo nokkrar myndir af íbúðinni eins og hún er í dag.
Fyrst kemur svona yfirlitsmynd, við búum til hægri

Næst eru það myndir af íbúðinni byrjum á svefnherberginu mynd tekin í átt að svölum og önnur í átt frá svölum

eldhúsið og fyrir framan andyrið

skápagangur (það er ennþá nóg af plássi í skápunum, tilbreyting frá troðnu skápunum) og baðherbergi

stofa: ein mynd í átt að svölum og hin frá svölum (eigum ennþá eftir að fá okkur eldhús/borðstofuborð) og svo ein út um á inngangssvalirnar

og að lokum svala myndir, enginn á svölum, ég og tryggvi á svölum og bergdís og harpa megapæjur á svölum.

JÆja ætil ég láti þetta ekki duga í bili...

Prufa

2006-07-29T21:14:00.000+02:00

blabla